|
||||
有一个博士毕业后分配到一家研究所工作,伊成为搿家单位学历顶高个一个人。有一日伊到单位后头个小河浜里去钓鱼,正好正副所长也垃拉钓鱼。过脱一歇歇,所长放下钓竿,伸了只懒腰,蹭蹭蹭从水面浪飞一样个走到对面上厕所。博士看得眼睛睁得老大:啥个情况啊?水上飘?勿会?所长上完厕所回来个辰光,同样也是蹭蹭蹭地从水上飘回来。哪能回事体?博士生又勿好意思去问。呒没想到又过脱一歇,副所长也立起来,蹭蹭蹭飘过水面上厕所。迭记博士差点厥倒:我是勿是到了一个江湖高手集中个地方?乃末博士生自家也内急了。哪能办?小河浜两旁边有围墙,到对面厕所要绕十分钟个路,憋了半日天,伊也立起来往水里跨:我就勿相信伊拉能过,我博士生就勿能过。只听到咚个一声,博士生跌拉拉小河浜里了。两位所长豪燥拿伊拉了起来,问伊为啥要下水,伊讲:“为啥伊拉侪可以走过去?”两位所长相视一笑:“搿条小河浜里有两排木桩子,迭两天落雨涨水,木桩迓下去了,阿拉晓得伊个位置,所以可以踏了桩子过去。侬哪能勿问一声呢?学历只代表一段辰光,勿断学习才能进步。