|
||||
上海有交关花园脱仔花园洋房。过去上海个新式弄堂里有天井个人家,侪会自己种点花,马路浪向花店也开得蛮多。春天,大家去踏青龙华看桃花。像现在搿个辰光,上海是最早开菊花会个地方,花天花地,大家欣赏。现在还有老多花鸟市场。上海人老欢喜花个,葛咾上海人个嘴里也老有“花头”个,上海闲话当中,有“花”起头个词语也特别多。下面几个词语,请侬分别填到最合适的句子里去。
“花头、花心、花色、花俏、花瓶、花痴、花样劲、花露水、花拆拆、花里八腊、花头花脑、花功道地”
1.搿个小鬼头,侬勿要看上去伊老实来死个样子,实际浪向对女朋友真有噱头,_________,女朋友对伊是一帖药!
2.侬看小王个公司老有生气,大家人心齐,人气上涨,伊拉老板_______老足个!
3.伊做一桩本来规规矩矩个事体,顶欢喜弄眼________辣海,叫大家捉摸勿透。
4.伊讲搿种勿着边际个闲话忒______了,我猜勿出伊个心思。
5.搿个人一日到夜混辣小姑娘道里,_______,________,贼腔来死,勿是个好东西!
6.小王别个地方倒侪蛮好,就是忒_______,轧女朋友是“月抛型”。
7.侬一个男人家,着了件________个衬衫,难看煞脱了!
8.老是嘻嘻哈哈,盯牢女生打朋寻开心,伊大概有眼_______了!
9.阿王只脑子真活,七想八想______瞎多,常常辣换花样。
10.侬还是一点一划认认真真个照规矩做,勿要想出搿种_________个主意来!
11.我是比侬登样,但是我愿意做只______当摆设,陪衬侬出名。
12.阿拉搿爿店里个金项链_______品种交交关,可以听侬拣。
▲请侬想想看,再辣上海话里向想出5个带“花”字个词语来。
▲1934年,上海市民投票选举“市花”,侬晓得是啥个花夺冠个?就此请侬谈谈感想。