|
||||
悭家Lady 猎豹BB,如假包换的广州女生,曾在奢侈品职场打滚,更流连于柴米油盐的生活,会赚钱理财,更爱花钱购物。
卡耐基好久以前就提出“视网膜效应”,当我哋拥有一件东西或一项特征时,我哋会比平常人更注意到其他人是否同样具备此种特征。例如当你有咗就睇到周街都系大肚婆,当你开奔驰就发觉四围都系奔驰,你买咗个LV就觉得旁边都有拎住LV嘅人;好似我咁,自从研究完孕妇鞋后,呢排特别留意其他大肚婆着乜鞋。
我发觉好多孕妇都唔重视鞋嘅选择,有人是但着住对平底鞋,有人求其夹住对人字拖,有人仲招积到高跟鞋、厚底鞋照着,真系水浸眼眉——唔知死,睇到我心惊又牙烟!由于怀孕期间体重一般会增加10~15公斤左右,日常行路脚嘅压力会加大,重心亦会变化,一对唔适合嘅鞋会使大肚婆感到疲惫,行得耐仲会觉得辛苦,容易发生危险。很多人怀孕3个月脚开始浮肿,越往后浮肿更明显,因此怀孕期间着鞋就要特别讲究。如果着高跟鞋,行路会付出更多体力,容易疲劳,影响胎儿发育;但亦都唔好着完全平底嘅鞋,平底鞋行路一般要脚跟先着地而脚心后着地,容易引起肌肉同韧带疲劳及损伤;人字拖更加唔好-,着住时会因为担心鞋飞脱而下意识地弯曲起脚趾以抠住鞋底,本来孕妇就需要更多来自鞋嘅支撑,更多压力会集中喺脚、脚踝同后背上,偏偏人字拖会加重呢啲位置嘅损耗,而且中医认为人字拖夹趾位置容易刺激穴位,增加滑胎风险,因此最好不要挖肉-疮生——自讨苦吃。
咁孕妇应该点样拣对鞋呢?首先,材料款式要轻便、透气、宽松,以防不透气嘅鞋加重双脚浮肿,圆头、够阔,鞋面材质较软的鞋子就比较适合;第二,尺寸千祈唔好好似肥婆坐屎塔咁TUP TUP冚,要拣比自己双脚稍大一啲嘅鞋,但也不要过于宽松,以防走路时唔跟脚;第三,鞋应有防滑性,以防行路时跌亲,鞋底要选择耐磨度好且止滑性较佳嘅大底;最后,孕妇鞋要注意高度,理想嘅鞋跟高度最好喺15~30毫米之间。
Birkenstock嘅Camden系列就系我嘅好孕鞋:呢个系列有柔软鞋床(soft foot bed)同柔软中底(soft base);柔软鞋床可以将身体重量及步行时产生嘅压力平均分布于脚掌,使足部关节得到足够嘅支撑同平衡;柔软中底可以吸收地面对于脚掌嘅冲击,减轻双脚行走疲劳;加上轻便耐磨兼防滑嘅鞋底,宽松包头嘅设计,异常舒适耐穿。唯一不方便嘅就系呢款鞋子因为没有后跟,所以不太能着住来开车,但对于大肚婆来讲,呢样唔多重要啦,最紧要系出入平安,保证好孕。