|
||||
主持人:邓柱峰
粤讲越有料
“五一”假期翻嚟,我哋又同大家见面咯!讲下呢个假期嘅天气,可以用又爱又恨嚟形容,每日艳阳高照,俾到大家出行嘅好心情,但係滂沱暴雨嘅嚟临又影响晒大家嘅生活。比如话,高明城区喺上个周末就因为一场暴雨而成咗“河城”。关于高明水浸嘅情况,前面有报道就唔多讲。
话说,呢场暴雨喺中心城区同样带嚟好大影响,连南庄镇南庄村一棵好出名嘅百年“树王”都俾风吹冧咗,村民个个感慨良多。媒体报道:“倒下的百年古榕位于禅城南庄镇南庄村罗园村民小组。5月4日凌晨1时40分,一场大雨将它永久地浇倒了。‘树倒下的时候跟地震一样。’在古榕树旁居住的梁先生说,当时,他被一阵响声惊醒,随后走出门外,目睹了榕树倒下的全过程,粗壮的树枝发出‘咯吱’的声响。”
原嚟,南庄村呢棵古树喺2006年南庄“树王”投票里面,获得过“最具姿态树王”嘅封号,可以想象佢曾经嘅辉煌。难怪南庄村村民个个都对佢有住特殊嘅感情,因为佢已经庇佑咗好几代人。
对佛山本地人嚟讲,条条村都会有个叫“榕树头”嘅地方,榕树对佛山嘅村民嚟讲係一种精神象征,自己条村嘅榕树如果生得枝繁叶茂,大家就会认为係福气。痛失老树嘅南庄村村民,希望你哋唔好太过伤心,树同人一样,都会经历生老病死,呢D都係自然规律,而且老树超过百岁已经好有“福气”,相信百年老榕树嘅无私精神一定会喺村民心中植根、成长。